Dallmen astanalyq «Barys» klýbyna qaıta oralady
ASTANA. QazAqparat - Sankt-Peterborlyq «SKA» komandasynyń qorǵaýshysy Kevın Dallmen astanalyq «Barysqa» qaıta oralýy múmkin, dep habarlaıdy vesti.kz saıty.
33 jastaǵy hokkeıshiniń kelisimsharty 2014 jyldyń 30 sáýirinde aıaqtalady. Sport basylymdarynyń jazýynsha, onyń «Barys» klýbyna qaıta oralýynyń basty sharty retinde Dallmenniń Belarýs elinde ótetin álem chempıonatynda Qazaqstan quramasynda oıyn kórsetýi jóninde talap bar.
Sport-Ekspress saıtynyń habarlaýynsha, Dallmen astanalyq komandamen 3 jylǵa kelisimshart jasamaq. «Barys» sapynda hokkeıshi 2008-2012 jyldar aralyǵynda tórt maýsym boıy oınaǵan bolatyn.
Bıylǵa maýsymda Kevın Dallmen chempıonatta ótkizgen 29 matchta 9 upaı (5+4) jáne pleı-off kezeńinde ótken 10 oıynda 9 upaı jınady.
