Dallastaǵy qaraly rásimde bı bılegen Djordj Býsh synǵa ushyrady (VIDEO)

ASTANA. QazAqparat - AQSh burynǵy prezıdenti kishi Djordj Býshtyń Dallastaǵy qaza tapqan polıtseılerdiń janazasynda bı bıleýi áleýmettik jeli qoldanýshylarynyń narazylyǵyn týdyrdy.

Onyń bıi beınelengen kadrlar ǵalamtorda eń kóp talqylanǵan taqyrypqa aınaldy.

Túsirilimde Býshtyń jan-jaǵyna oınaqy qozǵalǵany, qasyndaǵy hanymdardyń qolynan ustap robot bıin bılegeni kórinip tur. Hanymdardyń arasynda Amerıkanyń qazirgi prezıdentiniń áıeli - Mıshel Obama da bar.

Onyń ústine kishi Býsh azaly horǵa qosylyp ándetip, arasynda qaljyń aıtyp, olardy kúldirýge tyrysqan.

Áleýmettik jeli qoldanýshylary «saıasatker iship alǵan ba?», «Mundaı ádepsiz jan qalaısha el basqaryp júr?» degen tárizdi túrli suraqty jaýdyrdy. Qaraly rásimge jınalǵan halyq Dallastaǵy jappaı narazylyq pen tártipsizdik kezinde atylǵan polıtsııa qyzmetkerlerine aza tutýǵa jınalǵan  bolatyn, dep habarlaıdy tvzvezda.ru.