Dálenov: UEM statıstıkalyq derekterdi esepteý ádistemesin jan-jaqty túsindiretin bolady

ASTANA. QazAqparat - QR Ulttyq ekonomıka birinshi vıtse-mınıstri Rýslan Dálenov baspasóz májilisi barysynda memlekettik statıstıka men esep engizý ádistemesin jetildirý týraly baıandady, dep habarlaıdy atalǵan vedomstvonyń baspasóz qyzmeti.

««Qazaqstannyń úshinshi jańǵyrýy» jańa joǵary tehnologııalyq salany, barlyq jerde ınnovatsııalardy qoldanýdy bildiredi. Tsıfrlyq ekonomıka damıdy, bul - jahandyq trend. Jáne de «jańa ekonomıka» statıstıkany aınalyp ótpeýi tıis. Sondyqtan biz ádistemeni zamanaýı halyqaralyq tájirıbe negizinde jetildirýdemiz. Sonymen qatar statıstıka saıtynda jańa «3.0 Jańǵyrý» bólimin ashamyz. Statıstıka Qazaqstannyń úshinshi jańǵyrtylýyn esepteıtin bolady», - dedi Dálenov.

Ol statıstıkanyń aǵymdaǵy jumystary da qaıta jańartylatynyn atap ótti.

«Biz tsıfrlardy turaqty negizde jan-jaqty túsindiretin jáne qosymsha esep ádistemesin de aıtatyn bolamyz», - dedi Dálenov.

Sonymen qatar, statıstıka saıtyndaǵy barlyq ádistemeler kórsetkishterdiń qalaı esepteletinin mysaldar arqyly ashyp kórsetetin bolady. Bul úshin arnaıy aıdar ashylady, bul arqyly senimdilik pen keri baılanys arttyrylady.