Dálenov Qazaqstannyń eń kóp ınvestıtsııa salynyp jatqan óńirin atady

NUR-SULTAN. QazAqparat – Ulttyq ekonomıka mınıstri Rýslan Dálenov Qazaqstannyń eń kóp ınvestıtsııa salynyp jatqan oblysyn atady, dep habarlaıdy QazAqparat tilshisi.

«Osy jylǵy qańtar-aqpan aılarynda ekonomıkaǵa 1,5 trln teńge ınvestıtsııalandy. Salynǵan ınvestıtsııalardyń jartysy Atyraý oblysyna tıesili», - dedi Rýslan Dálenov Úkimet otyrysynda.

Mınıstrdiń aıtýynsha óńirler buǵan deıin qol qoıylǵan memorandýmdarǵa sáıkes iri ınvestıtsııalyq jobalardy iske asyrý monıtorıngin kúsheıtýi qajet.

«Óńdeý sektorynda 9,4 paıyzdyq deńgeıde ósimge qol jetkizildi. 5 óńirde ortasha respýblıkalyq deńgeıden joǵary ósim baıqalady. 12 óńirde ortasha respýblıkalyq deńgeıden tómen ósim tirkeldi. Onyń ishinde 1 óńir boıynsha tómendeý baıqalady», - dedi ol.