Dáleldemelerdi burmalaǵan sot oryndaýshysy jazalandy
ORAL. QazAqparat - Batys Qazaqstan oblysynda dáleldemelerdi burmalaǵan sot oryndaýshysy jazaǵa tartyldy, dep habarlaıdy QazAqparat tilshisi.
Oblys prokýratasynyń baspasóz qyzmetinen túsken málimetke qaraǵanda, Bórli aýdany prokýratýrasy atqarýshylyq óndiris qujattaryn tekserý kezinde ákimshilik is boıynsha dáleldemelerdiń burmalanǵanyn anyqtady.
Ádilet departamentiniń sot oryndaýshysy M. jeke sot oryndaýshysymen joldanǵan qujat boıynsha QR Ákimshilik quqyqbuzýshylyq kodeksiniń 669-babymen ákimshilik hattama toltyratyn 2 aı merzimdi ótkizip alǵan. Sodan keıin óziniń kinásin jasyrý maqsatynda hattamanyń kúnin ózgertip, sotqa joldaǵan.
Prokýratýranyń yqpal etýimen qabyldanǵan sharanyń negizinde sot qaýlysymen memlekettik sot oryndaýshysy atalmysh kodekstiń 660-baby 2-tarmaǵyna sáıkes dáleldemelerdi burmalaǵany úshin kináli dep tanylyp, oǵan 126 myń teńge aıyppul salyndy.
Sot aktisi zańdy kúshine endi.
Aıta keteıik, Bórli aýdany prokýratýrasymen ótken jyly atqarýshylyq óndiristi qadaǵalaý salasynda 4 laýazymdy tulǵa tártiptik jaýapkershilikke tartylyp, qadaǵalaý aktilerimen 16,8 mln teńge óndirildi.
