Daladan tapansha taýyp alǵan Stepnogor qalasy turǵynynyń basy pálege qaldy
KÓKShETAÝ. QazAqparat - Zańsyz qarý saqtaǵan Stepnogor qalasynyń turǵyny ustaldy, dep habarlaıdy "QazAqparat" HAA tilshisi oblystyq ІІD baspasóz qyzmetine silteme jasap.
Polıtseılerdiń málimeti boıynsha tárkilengen qarý 1935 jylǵy "Braýnıng" tapanshasy. Sýyq qarýdy uıymdasqan qylmyspen kúresý jónindegi basqarmanyń qyzmetkerleri polıetılen qapshyqqa oralǵan kúıinde 35 jastaǵy Stepnogor qalasynyń turǵynynyń garajynan taýyp alǵan.
"Er adamnyń sózine qaraǵanda, ol atalǵan tapanshany aǵymdaǵy jyldyń mamyr aıynda qala mańyndaǵy ken ornynan taýyp alǵan. Onyń qandaı qarý jəne atýǵa jaramdy ekenin ol bilmegen. Qarýdy polıtsııaǵa tapsyrý maqsatynda garajynda saqtaǵan.
Tapanshany balıstıkalyq saraptamadan ótkizgen polıtseıler onyń kesilgen, atýǵa jaramdy ekenin anyqtady", dep kórsetilgen habarlamada.
Qazirgi kezde, atalǵan oqıǵaǵa baılanysty QR QK 287-babynyń 3-bólimi (zańsyz qarý saqtaý) boıynsha sotqa deıingi qylmystyq is qozǵaldy. Atalǵan sanktsııa boıynsha kúdikti 5 myń AEK kóleminde aıyppul tóleýi nemese 5 jylǵa bas bostandyǵynan aıyrylýy múmkin.
