Daladaǵy ájethana: Túrkistan mektepterinde másele qashan sheshiledi
«Jergilikti atqarýshy organdardyń málimeti boıynsha Túrkistan oblysynyń 10 mektebinde aýlalyq sanıtarlyq toraptar bar. 2023 jyldyń sońyna deıin ishki sanıtarlyq júıeniń qurylysyn aıaqtaý josparlanyp otyr. Bul másele mınıstrliktiń erekshe baqylaýynda.
Sonymen qatar, Premer-Mınıstrdiń orynbasary – Eńbek jáne halyqty áleýmettik qorǵaý mınıstri Tamara Dúısenovanyń tóraǵalyǵymen múddeli memlekettik organdardyń qatysýymen keńes ótti. Keńes qorytyndysy boıynsha mektepterdi zamanaýı sanıtarııalyq júıemen jabdyqtaýǵa qoıylatyn talaptardy kúsheıtý, bilim berý uıymdarynda sanıtarııa jáne gıgıena salasyndaǵy Ulttyq standartty ázirleý baǵytynda sanıtarııalyq-epıdemıologııalyq qaǵıdalardy qaıta qaraý jóninde tapsyrmalar berildi», - delingen mınıstrliktiń «QazAqparat» agenttigine bergen jaýabynda.
Bul turǵyda Saýda jáne ıntegratsııa mınıstrligine bilim berý uıymdarynda sanıtarııalyq júıeniń jumys isteýin jáne tolyqtaı qamtamasyz etilýin reglamentteıtin Ulttyq standartty ázirleý máselesi boıynsha ótinim joldandy. 2023 jylǵy 27 shildede Ulttyq standarttaý josparyna engizýge ótinimdi ǵylymı-tehnıkalyq keńes qarap, maquldaǵan.
«QR ST «Jalpy bilim beretin mekemelerdiń sanıtarlyq toraptary. Jalpy talaptar» 2023 jylǵa arnalǵan Ulttyq standarttaý josparyna engizildi (Saýda jáne ıntegratsııa mınıstrligi Tehnıkalyq retteý jáne metrologııa komıteti tóraǵasynyń 31.07.2023 jylǵy № 275-NQ buıryǵy).
Bilim berý uıymdarynda sanıtarııalyq júıeni qamtamasyz etý jónindegi Ulttyq standartty qabyldaý osy nysandarǵa qatysty qoıylatyn biryńǵaı normalar men talaptardy retteýge múmkindik beredi. Bul óz kezeginde mundaı nysyndardyń sapasy men qaýipsizdigin arttyrady», - dep atalyp ótken vedomstvo aqparatynda.
Budan buryn habarlanǵandaı, bıyl qańtar aıynda Oqý-aǵartý mınıstri Ǵanı Beısembaev jyl sońyna deıin ájethanasy syrtta ornalasqan mektepterdiń máselesi sheshimin tabatynyn aıtty.
