Dalada uzaq júrmeńiz: Óskemendi tútin basyp turǵanyna erteń altynshy kún

ÓSKEMEN. KAZINFORM – Óskemen qalasynda erteń taǵy da qolaısyz meteorologııalyq jaǵdaı qalyptasady.

Qalada 27 naýryzdan beri jel soqpaı tur. Ekinshi dárejeli qolaısyz meteorologııalyq jaǵdaıdyń saldarynan (QMJ) kóshelerdi tútin tumshalap alǵan.

«Qazgıdromet» RMK málimetine súıensek, 31 naýryz saǵat 20.00-den bastap 1 sáýir saǵat 20.00-ge deıin shahar boıynsha QMJ saqtalady.

Aıta keteıik, mamandar osyndaı kúnderde turǵyndarǵa kelesi keńesterdi qaperde ustaý qajettigin eskertedi:

- Dalada uzaq júrmeý;

- Páterdegi terezeler men jeldetkishterdi jabý;

- Qaınatylǵan, tazartylǵan nemese gazsyz mıneraldy sý men sháı ishý;

- As sodasynyń eritindisimen tamaqty jıi shaıý;

- Tamaqtaný ratsıonyna quramynda pektıni bar azyq-túlikterdi, mysaly, pisirilgen qyzylsha, qyzylshanyń shyryny, alma, jemis kıseli, ıtmurynnan, raýaǵashtan jasalǵan dárýmendi sýsyndardy, shópterdiń qaınatpasyn, tabıǵı shyryndardy qosý;

- Balalardyń tamaqtaný ratsıonynda sút jáne sút ónimderin, irimshik, et tutynýdy kóbeıtý;

- Ýytty zattardy shyǵarý jáne aǵzany tazartý úshin tagan-sorbent, ındıgel, tagangel, belsendirilgen kómirdi qoldaný;

- Balalardy balabaqshalarda serýenge shyǵarmaýǵa, mektepterde dalada dene shynyqtyrý sabaqtaryn ótkizbeýge keńes beriledi.

Eske salsaq, buǵan deıin Óskemende oqýshylar sabaqty 7.30-da bastamaıtyn bolǵany jaıly jazǵanbyz.