Dala órtine baılanysty Oral-Aqsaı tasjoly jabyldy - BQO
ASTANA. QazAqparat - BQO-da Dolınnoe eldi mekeni mańynda dala órtenip jatyr, dep habarlaıdy «Ýralskaıa nedelıa».
«Órt aýqymy óte úlken. Tipti, qaraýǵa qorqasyń», - deıdi júrgizýshiler.
Jolǵa shyqqan jolaýshylar qaıta qalaǵa qaıtyp jatyr.
Buǵan deıin basylym habarlaǵandaı, Batys Qazaqstanda dalada alapat órt bolyp jatyr. Tilsiz jaýdy tolyqtaı aýyzdyqtaý múmkin bolmaýda, kúshti jel órtti órshitip jiberip tur.
Oraldyń órt sóndirý qyzmetiniń habarlaýynsha, jalyn 50 gektar jerdi sharpyǵan.
