Dala órtin azaıtýǵa jańbyr kómektesedi - QR ІІM
NUR-SULTAN. QazAqparat - QR Іshki ister mınıstriniń orynbasary ıÝrıı Ilın eldegi dala órti jóninde pikir bildirdi, dep habarlaıdy QazAqparat tilshisi.
«Dala órti boıynsha Qaraǵandy oblysyndaǵy ahýal qıyn - mundaǵy jalpy órt kólemi 2,7 myń gektarǵa jetti. Ony sóndirýge Orman sharýashylyǵy komıteti, jergilikti atqarý organdarynyń jáne QR ІІM bólimsheleri jumysqa tartyldy. Órtti oqshaýlap, sóndirý úshin qosymsha tikushaqtar berdik», - dedi ıÝrıı Ilın Mınıstrlikter úıinde ótken baspasóz máslıhatynda.
Onyń aıtýynsha, aptap ystyq aýa raıy órttiń qaıta tutanýyna yqpal etip otyr.
«Almaty oblysyndaǵy Panfılov aýdanyndaǵy, Almaty qalasyna jaqyn ornalasqan Talǵar, Qaskeleń aýdandaryndaǵy órt tolyq sóndirildi. Biraq, ystyq aýa raıyna baılanysty Almaty, Qaraǵandy, Qostanaı, Aqmola oblystarynda órt qaýpi joǵary bolyp qala beredi», - dedi spıker.
Sınoptıkterdiń boljaýynsha, jaqyn kúnderi Qazaqstanda aýa raıy ózgerip, jańbyr jaýýy múmkin. Bul dala órtin sóndirýge áser etedi.
«Boljam boıynsha, Almatyǵa jaqyn óńirler men Nur-Sultannyń aınalasynda jańbyr jaýýy múmkin. Bul órt qaýpin aıtarlyqtaı tómendetedi», - dedi ıÝ. Ilın.
Aıta keteıik, ystyq aýa raıynan Jambyl, Aqmola, Qaraǵandy oblystary men Almaty qalasyndaǵy Kóktóbede órt shyqty. Sondaı-aq Qarqaralydaǵy órt 1,5 myń gektar ormandy sharpydy
