Dala qyzǵaldaqtaryn nege julýǵa bolmaıdy
«Bir qushaq qyzǵaldaqpen sýretke túsý úrdisi sáýir-mamyr aılarynda kúrt kóbeıedi. Bıyl da mundaı fotosýretter eselep kóbeıedi. Biraq, búgin qyzǵaldaqty nege julýǵa bolmaıtynyn túsindirgimiz keledi. Jabaıy qyzǵaldaqtardyń ózge túrlerden aıyrmashylyǵy - olar pııazshyqtan emes, dán arqyly taralady. Tuqym topyraqta 4-7 jyl jatady jáne sodan keıin ǵana jańa pııazshyq qalyptasady. Bul pııazshyqtan gúl sabaǵy ósip shyǵady. Gúl kúltelengen soń tuqym qaýashaǵy paıda bolady. Osy protsess jyl saıyn qaıtalanady jáne bir qyzǵaldaqtyń ómiri 70-80 jylǵa jetedi. Al keıde jetpeýi de múmkin. Sebebi, siz bir fotosýret úshin gúldi julyp alasyz da, 2 saǵattan keıin kúresinge tastaısyz. Sebebi, jabaıy qyzǵaldaq tez solady. Bul habardy barlyq dostaryńyz ben tanystaryńyzǵa taratyńyz», - dep jazdy Sáken Dildahmet Facebook-tegi paraqshasynda.
Aıta keteıik, elimizdiń ońtústik óńirlerinde qyzǵaldaq gúli búr jardy. Qazaqstanda ósetin 35 túrli qyzǵaldaqtyń 18-i Qyzyl kitapqa engizilgen, olardyń taralý aımaǵy da qysqaryp barady.