«Dala qyrany» oqý-jattyǵýyna qatysýshylar Qazaqstanǵa kele bastady
TANA. 1 tamyz. QazAqpart. Ashylýy 8 tamyzda bolatyn, «Dala qyrany - 2011» taktıkalyq-arnaıy bitimgershilik oqý-jattyǵýynyń birinshi daıarlyq satysy búgin «Іle» oqý ortalyǵynnyń bazasynda bastaldy.
Bıyl qatysýshylar quramy aıtarlyqtaı keńeıdi - qazaqstandyq bitimgershilik «Qazbrıg» jáne «Qazbat», AQSh armııasy men Ulybrıtanııa, Latvııa, Tájikstan jáne Qyrǵyzstan jeke quramy. 1400-den astam áskerı qyzmetshi men júzge jýyq jaýyngerlik tehnıka bar.
Qazir jattyǵýdyń sheteldik qatysýshylary Qazaqstanǵa kelip, «Іle» polıgonynyń dala lagerinde ornalasyp jatyr. Munda jattyǵýdyń saltanatty ashylýyna deıin qazaqstandyq jáne shetel bólimsheleri dala lagerin qurady, oqý-materıaldyq bazany daıarlap, qarqyndy ázirlenedi, qaqtyǵys aımaǵynda bitimirshilik bólimshelerdi qoldanýdy josparlaıdy. Sebebi jattyǵýda shtabtar jumystaryn uıymdastyrý óte mańyzdy ról atqarady. Dál osy jerde is-qımyldar jospary ázirlenip, keıin qorytyndylanady. Áskerı qyzmetshiler baıandaýlardy basshylyqqa orys, qazaq jáne aǵylshyn tilderinde júrgizedi.
Úsh apta boıynda alty armııa áskerı qyzmetshileri bitimgershilik operatsııalar ótkizý kezińde ózara árekettesý, jaýyngerlik jáne jedel úılesimdilik boıynsha jattyǵady.
Bitimgershilerdiń halyqaralyq erejelerdiń barlyq talaptaryn oryndaýmen bitimgershilik operatsııany ótkizýi - oqý-jattyǵýdyń sharyqtaý shegi - belsendi satysy bolady. «Dala qyrany - 2011» oqý-jattyǵýyn ótkizý aýdany keńeıtilgendigin de atap ótken jón, oǵan «Іle», «Shoshqaly» polıgondary, «Jańa Іle» qoný alańy men «Bereg» oqý ortalyǵy kiredi.
Jattyǵýǵa Qazaqstan Áýe qorǵanys kúshteri armııalyq avıatsııasynyń tikushaqtary, qalqymaly-kópir batalony, áskerı polıtsııa ókilderi men Qazaqstan Qorǵanys mınıstrliginiń kýrsanttary tartylady.
Oqý-jattyǵýlar nátıjesinde áskerı qyzmetshilerdiń bitimgershilik operatsııalarǵa daıarlyq deńgeıin shetel memleketterinen kelgen áskerı baqylaýshylar, NATO túrli shtabtary men Qazaqstan Respýblıkasynda akkredıttelgen áskerı-dıplomatııalyq korpýstyń sarapshylary baǵalaıdy.
