Dala DNQ-sy: Almatyda bilim men ónerge negizdelgen respýblıkalyq joba bastaldy
ALMATY. QazAqparat – Almatyda «Dala DNQ» atty bilim berýge arnalǵan respýblıkalyq joba bastaldy. Bul týraly uıymdastyrýshylar resmı baspasóz máslıhatynda málim etti, dep habarlaıdy QazAqparat tilshisi.
Jobany Qazaqstandyq ıÝNESKO klýbtarynyń federatsııasy jáne «Sauvage» kompanııalar toby uıymdastyrdy.
Ol eki bólimnen turady: bilim baǵdarlamasy jáne shyǵarmashylyq baıqaý. Bilim baǵdarlamasyna qatysý osy joba aıasynda ótetin sýret baıqaýyna qatysýǵa mindettemeıdi.
«Bilim baǵdarlamasyna qatysý halyqtyń ekologııalyq mádenıeti men halqymyzdyń mádenı murasyna júginý arqyly Jerdi saqtaýǵa úles qosý múmkindigi týraly birqatar trenıng pen dáristi qamtıdy. Jobanyń bilim bólimi 1-7 maýsym aralyǵynda, al shyǵarmashylq baıqaý 8-30 maýsym aralyǵynda ótedi. Shyǵarmashylyq, sán ındýstrııasy, dızaın, mádenı jáne tarıhı muralar salasyndaǵy úzdik halyqaralyq sarapshylar jobaǵa qatysýshylarǵa: ıntellektýaldy jáne sanaly sán, jańa ekologııalyq ádetter jáne taǵy basqa taqyrypta dáris oqıdy»,-deıdi qazaqstandyq ıÝNESKO klýbtarynyń ókili Aısulý Aıapbergenova.
Joba uıymdastyrýshylarynyń biri Irına Nechaevanyń aıtýynsha, «Dala DNQ» – ata-babamyzdyń tarıhı, mádenı jáne rýhanı qundylyqtaryna negizdelgen jańa qoǵamdyq sanany qalyptastyrýǵa baǵyttalǵan Qazaqstanda buryn bolmaǵan biregeı joba.
«Pandemııa kezinde adamdar ekologııa taqyrybynyń qanshalyqty ózekti ekenin túsindi. Biraq biz ózimizdi taýda qalaı ustaý kerektigin bilmeımiz. Jobada osy másele qamtylady. Bul jaı sýret baıqaýy emes. Bilim baǵdarlamasyna qatysý arqyly qatysýshylar óz áleýetin arttyryp, qorshaǵan ortany saqtaý taqyrybynda bilimin keńeıtip, «Dala DNQ» sýretter men ıllıýstratsııalar baıqaýyna qatysyp, uıymdastyrýshylardyń barlyq talaptaryna saı baıqaý jumysyn daıyndaýǵa múmkindik alady», - dedi Irına Nechaeva.
Baıqaý úsh nomınatsııa boıynsha ótedi:
- «Tarıh – bizdiń bolashaǵymyz» nomınatsııasynyń maqsaty: Qazaqstan terrıtorııasynda ómir súrgen, qazaqtardyń ata-babasy bolyp tabylatyn halyqtardyń mádenı muralary men qazirgi álem shyndyǵymen úılesimdi toǵysýyn beıneleý.
- «Birlik» nomınatsııasynyń maqsaty: Planetadaǵy barlyq halyqtyń birligi men teńdigin násiline, jynysyna, tiline nemese dinine qaramaı beıneleý jáne «ǵalamdyq azamat», «álem azamaty» uǵymyn ashý.
- «Jandaný» nomınatsııasynyń maqsaty: Turaqty damýǵa umtylatyn Jerdiń kez-kelgen azamaty № 6, 12, 13, 14, 15 turaqty damý maqsattaryna qol jetkizýge úles qosatyn álemdi beıneleý.
Baıqaýǵa 7 men 65 jas aralyǵyndaǵy kez kelgen adam (úsh jas sanaty boıynsha: 7–12 jas, 13–18 jas, 19–65 jas) qatysa alady.
Eń úzdik jumystar taqyryptyq sýret kórmesine engizilip, olardyń avtorlary dıplommen marapattalady.
