«Dala daýysy» - qazaq mýzykasy arqyly tilimizdi dúnıejúzi elderine nasıhattaıtyn biregeı radıofestıval
ASTANA. QazAqparat - «Qazmedıa ortalyǵynyń» kınokontsert zalynda III Halyqaralyq «Dala daýysy» radıofestıvaliniń gala-kontserti ótti.
Bıyl da elorda tórinde uıymdastyrylǵan Qazaq radıosynyń tól jobasy - « Dala daýysy 2014» radıofestıvaline qatysýshylar «Dástúrli án», «Akademııalyq oryndaýshy», «Estradalyq oryndaýshy», «Etnoestrada» jáne «Jańa esim» atalymdary boıynsha baq synady.
Eske sala ketsek, «Dala daýysy» radıofestıvali alǵash ret efırde 2012 jyly bastaý alyp, qazaq mýzykasy arqyly ana tilimizdi dúnıejúzi elderine nasıhattaıtyn biregeı óner jobasyna aınaldy. Basty talap -festıvalge qatysýshylardyń, tipti ol shet eldik úmitkerler bolsa da, qazaq ánin naqyshyna keltirip oryndaý. Sol sebepti de az ǵana ýaqyt ishinde «Dala daýysy» jobasy radıofestıval sheńberinen asyp, bedeldi mýzykalyq sherýge aınalyp otyr.
Atalmysh jobanyń basty maqsaty - qazaqtyń dástúrli jáne zamanaýı ánderin halyqaralyq deńgeıde keńinen nasıhattaý, sińirý. Óner álemine jańa talanttardy ashyp tanytý. Ár jyldardaǵy qazaqtyń án tarıhyn umyttyrmaı, tyńdarmanǵa júldelep aqqan qan tamyryndaı jaqyn bolý. «Dala daýysy - 2014» mılıondaǵan radıotyńdarman súıikti ánderine 100 % daýys berýi arqyly 41 ánshini fınalǵa ótkizdi. Al, fınalda 40% tyńdarmandardyń daýys berýimen, 40% mamandardyń saraptaýymen, 20 % Qazaq radıosynyń kórkemdik keńesiniń sheshimimen jáne uıymdastyrý alqasynyń tańdaýy nátıjesinde jeńimpazdar anyqtaldy.
«Dala daýysy - 2014» radıofestıvaliniń laýreattary:
«Dástúrli án» atalymy boıynsha:
Gúlmars Amanbaeva - «Qamshyger»
Qaırat Kákimov - «Úlken aıdaı»
Ardaq Isataeva - «Іnjý- marjan»
Sábıt Dabylov - «Qumaryn tarqat»
Akademııalyq oryndaýshy» atalymy boıynsha:
Bıbigúl Januzaq pen Nurǵalı Turlybekov dýeti - «Nazqońyr».
«Estradalyq oryndaýshy» atalymy:
Álı Oqapov - «Bıle»
Altynaı Jorabaeva - «Perzent paryzy»
Marjan Arapbaeva - «Armanyma asyǵamyn»
Qurmash Mahanov - «Kirshiksiz muń»
«Zaman» toby - «Qarakózim»
Qaırat Baekenov jáne «Format» toby - «Mahabbat»
Etnoestradalyq oryndaýshy» atalymy:
Aqylbek Janabaev - «Qazaqpyn»
Shahırızat Seıdahmet - «Jeldirme»
«Jańa esim» atalymy boıynsha:
Aldaspan toby - «Boztorǵaı» Qazaqstan
Marjan Isaeva - «Dáýren aı» Qazaqstan
Saıan Dembırıel -«Aýylym» Reseı
Ekaterına Sychevskaıa -«Qazaqstanym alǵa» Belorýssııa
Lana Franchesko - «Álııa» Latvııa
Adrıana Shevchenko - «Alǵashqy kóktem» Ýkraına
Qaınar Qatpaev - «Astana arýy» Qytaı Halyq respýblıkasy
Jeńimpaz atanǵan oryndaýshylarǵa «Dala daýysynyń» músinshesi men arnaıy dıplomyn elimizdiń óner jáne qoǵam qaıratkerleri men depýtattar tabystady. Kesh ónersúıer qaýym men radıotyńdarmandardyń oıynan shyǵyp, joǵary deńgeıde ótti.
