«Dalnıı Vostok» traýlerinde qaza tapqandardyń otbasylaryna 1 mln. rýblden tólenedi
ASTANA. QazAqparat - «Dalnıı Vostok» traýlerinde qaza tapqan teńizshilerdiń otbasylaryna 1 mln. rýblden tólenedi. Bul týraly Sahalın oblysynyń ókili Alekseı Baıandın málimdedi. Onyń aıtýynsha, qutqarylǵan jolaýshylardyń otbasylary 200 myń rýblden alady.
Esterińizge sala keteıik, beısenbi kúnine qaraǵan túni úlken avtonomdyq traýler Ohot teńiziniń akvatorııinde, Magadannan 300 shaqyrym jerde apatqa ushyraǵan. Qaıǵyly oqıǵa kezinde kemeniń bortynda 132 adam boldy. Sońǵy málimetter boıynsha, olardyń 56-sy qaza taýyp, taǵy 13 adam iz-tússiz joǵalyp ketti. Aldyn ala málimetter boıynsha, apatqa seńmen soqtyǵysý saldarynan paıda bolǵan tesik sebep bolýy múmkin.
