Dakka áýejaıynda qoqys jáshiginen úsh keli altyn tabyldy
ASTANA. QazAqparat - Bangladesh keden qyzmetiniń qyzmetkerleri Dakka qalasy Hazrat Shahdjalal halyqaralyq áýejaıynda qoqys jáshiginen úsh keli altyn tapty, dep habarlady RIA Novostı.
Altynnyń naryqtyq quny 190 myń dollarǵa baǵalanýda.
Kedenshiler áýejaıǵa kelgen yqtımal kontrabandashylar týraly aqparat aldy. Іzdeý operatsııasy barysynda ımmıgratsııalyq aımaqtaǵy jáshikten on altyn quımasyn tapty.
«Kontrabandashylar bizdiń ofıtserlerdiń erekshe belsendiligin kórip, altynnan qutylýǵa asyqqan bolýy múmkin», - degen keden qyzmetiniń ókili Moınýl Hannyń sózin keltiredi Daily Star basylymy.
