«Dakardyń» úshinshi kezeńiniń nátıjesi: «Astana» júk kólikteri arasynda - toǵyzynshy
ASTANA. 8 qańtar. QazAqparat - «KamAZ» kóligimen jarysqa qatysyp jatqan «Astana» ekıpajy «Dakar-2013» rallı-marafonynyń úshinshi kezeńiniń nátıjesi boıynsha, barlyq júk kólikteri arasynda márege toǵyzynshy bolyp jetti.
Vesti.kz habarlaǵandaı, Artýr Ardavıchýs, Alekseı Nıkıjev jáne Nurlan Turlybaevtan quralǵan qazaqstandyq komanda Pıskodan Naskaǵa deıingi 343 shaqyrym jerdi 3 saǵat 14 mınýt 43 sekýndta júrip ótti.
Kezeńniń jeńimpazy úshinshi márte «Dakardyń» qazirgi chempıony Iveco-ǵa mingen gollandııalyq Jerar De Roı boldy. Ekinshi orynda tizginin pılot Edýard Nıkolaev ustaǵan "KAMAZ-Master" kóligindegi reseılik komanda. Iveco-da óner kórsetetin ıtalıandyq Mıkı Bıazon úshinshi keldi.
Úsh kezeńnen keıingi jalpy esepte De Roı kósh bastap tur, odan keıin Tatra kóliginde chehııalyq shabandoz Alesha Lopraıs keledi. Úshinshi orynǵa Bıazon ornalasty.
"Dakar-2013" rallı-marafony. 3-inshi kezeń. Júk kólikteri.
Pısko - Naska, 343 shaqyrym (arnaıy ýchaske - 243 shaqyrym):
1. Jerar De Roı (Gollandııa, Iveco) - 2:55:58;
2. Edýard Nıkolaev (Reseı, KAMAZ) - 2:57:22 (+1:24);
3. Mıkı Bıazon (Italııa, Iveco) - 2:58:29 (+2:31);
4. Alesh Lopraıs (Chehııa, Tatra) - 3:00:41 (+4:43);
5. Pıter Versleıs (Gollandııa, MAN) - 3:02:30 (+6:32);
...
9. Artýr Ardavıchýs (Qazaqstan, KAMAZ) - 3:14:43 (+18:45).
Úsh kezeńnen keıingi jalpy esep:
1. Jerar De Roı (Gollandııa, Iveco) - 6:23:15;
2. Alesh Lopraıs (Chehııa, Tatra) - 6:30:14 (+6:59);
3. Mıkı Bıazon (Italııa, Iveco) - 6:36:41 (+13:26);
4. Edýard Nıkolaev (Reseı, KAMAZ) - 6:44:59 (+21:44);
5. Pıter Versleıs (Gollandııa, MAN) - 6:51:36 (28:21);
...
9. Artýr Ardavıchýs (Qazaqstan, KAMAZ) - 07:29:59 (+1:06:44).
