«Dakardyń» tórtinshi kezeńinde A. Rahymbaev onynshy boldy
ASTANA. 9 qańtar. QazAqparat - Argentınalyq Chılekıto qalasynda «Dakar-2014» rallı-marafonynyń tórtinshi kezeńi aıaqtaldy. Bul jarys San-Hýaneden bastalǵan bolatyn.
Atap aıtqanda jol talǵamaıtyn jáne júk kólikteri úshin jalpy araqashyqtyq 868 shaqyrymdy qurady. Bul kezeńde jol talǵamaıtyn kólikter synaǵynda ıspandyq Karlos Saıns (SMG) jeńimpaz dep tanyldy. Ekinshi orynda MINI kóligimen dodaǵa túsken frantsýzdyq Stefan Peteransel ıelense, úshinshi nátıjeni onyń komandalyq seriktesi qatarlyq Nasser ál-Attııa kórsetti. Proto Overdrive avtokóliginde synaqqa túsken Aıdyn Rahymbaev pen Vladımır Demıanenko kezeńdi onynshy bolyp aıaqtady. Ekıpajdyń ýaqyty 5 saǵat, 54 mınýt, 40 sekýnd boldy. Jarystyń jalpy esebinde jol talǵamaıtyn kólikter arasynda Saıns kóshtiń aldynda, al odan keıin Nanı Roma turaqtady, úshinshi orynda ál-Attııa tur. Rahymbaevtyń ekıpajy 21 orynnan 15 orynǵa kóterildi. Júk kólikteri dodasynda Iveco kóligimen jarysqa túsken gollandyq Jerar de Roı jeńisti boldy. Ekinshi orynda KamAZ kóligimen reseılik Andreı Kargınov, al úshinshi orynda "KamAZ-master" komandasynyń basqa júrgizýshisi reseılik Edýard Nıkolaev turaqtady. Tórtinshi kezeńdegi jeńisiniń arqasynda Jerar de Roı jalpy eseptegi basymdyǵyn saqtap qaldy.
