«Dakardyń» Ekaterınborlyq qatysýshysy «Jibek joly» rallıinen shyǵyp qaldy
ASTANA. QazAqparat - Ekaterınborlyq avtorallıge qatysýshy Sergeı Karıakın «Jibek joly» rallı-marafonyna qatysýyn merziminen buryn aıaqtady.
Onyń baggıiniń qozǵaltqyshy qysymdy kótere almaı, sportshy óziniń shtýrmany Anton Vlasıýkpen jarys jolynan shyǵýǵa májbúr boldy, dep habarlady «Ekaterınbýrg onlaın».
«Jibek joly» rallıi biz úshin erte aıaqtaldy, - deıdi Sergeı Karıakın. - Márege 20 km qalǵanda qozǵaltqyshta aqaýlyqtar týyndady. Márege ózge ekıpaj jetýge kómektesti. Oǵan alǵysymyzdy aıtqymyz keledi. Tanystarymyzǵa habarlastyq, qoldan kelgenin jasadyq, alaıda jarystan shyǵýǵa májbúr boldyq».
Eske sala keteıik, altynshy «Jibek joly» rallı-marafony 8 shildede Máskeýde Qyzyl alańnan bastaldy. Qatysýshylar Máskeýden Beıjińge deıin Qazaqstan arqyly 10 myńnan astam shaqyrym joldy júrip ótpek.
