Dakarda Qazaqstan ánurany shyrqaldy: Ánel Táshbaı altyn aldy

ASTANA. KAZINFORM — Veloshabandoz Ánel Táshbaı jasóspirimder Olımpıadasynda top jardy, dep habarlaıdy UOK baspasóz qyzmeti.

Dakarda Qazaqstan ánurany shyrqaldy: Ánel Táshbaı altyn aldy
Foto: UOK

Tasjoldaǵy velosporttan Qazaqstan quramasynyń ókili Ánel Táshbaı Dakarda (Senegal) ótip jatqan jasóspirimder Olımpıadasynda jeńis tuǵyryna kóterildi.

Otandasymyz jekeleı ýaqytqa jarysta altyn medal jeńip aldy. Ol qashyqtyqty 11 mınýt 32.57 sekýndta júrip ótti.

Ekinshi oryn Karolına Gaıdýkovaǵa (Slovakııa) buıyrdy — 11:37.62. Al reseılik Angelına Novolodskaıa úzdik úshtikti túıindedi — 11:43.65.

Aıta keteıik, osymen Qazaqstan quramasynyń qorjynynda úsh medal bar.

Buǵan deıin dzıýdoshy Fatıma Supyǵalıeva altyn alsa, trıatlonshy Ramazan Áınegov qola medalǵa ıe bolǵan edi.

Osydan buryn otandyq para veloshabandozdar Azııa oıyndarynda eki altyn jeńip alǵanyn jazdyq.