«Dakarda» er adamdy basyp ketti
ASTANA. QazAqparat - «Dakar» rallıinde «avtomobıl» klasynda óner kórsetetin frantsýz Lıonel Bodanyń ekıpajy 63 jastaǵy er adamdy basyp ketti. Qaıǵyly oqıǵa tramplın mańynda boldy.
Zardap shegýshini qutqarý múmkin bolmady, ol oqıǵa ornynda jan tapsyrdy, dep habarlaıdy TASS. Apatty oqıǵa marafonnyń jetinshi kezeńi kezinde boldy.
Bodanyń ekıpajy nóser jańbyrdyń saldarynan berilgen jolbaǵyttan aýytqyp ketken bolatyn.
Budan bir apta buryn «Dakarda» taǵy bir jol-kólik oqıǵasy bolǵan edi: qytaılyq áıel Gýo Meılın kórermender tobyna berip ketken bolatyn. Qurban bolǵandar joq.
1980 jyldan beri «Dakarda» 60-tan astam adam mert boldy. Budan buryn 2010 jyly nemis Marko Shýltıstiń mashınasy 28 jastaǵy áıeldi basyp ketip, ómirin qıdy.
