«Dakar» rallıinde mototsıkl shabandozy men eki kórermen mert boldy
ASTANA. 11 qańtar. QazAqparat - Ońtústik Amerıkadaǵy «Dakar» rallıinde úsh adam mert boldy, onyń bireýi belgııalyq jarysqa túsýshi Erık Palant jáne eki kórermen.
Mototsıkl shabandozy óliminiń jaı-japsary ázirge belgisiz. Onyń denesi argentınalyq Chılesıto jáne Týkýman qalalary arasynda tabyldy.
50 jasar Palant «Honda» komandasy úshin jarysqa túsken bolatyn. Bul onyń on birinshi «Dakary» eken.
Ajal qushqan qalǵan eki adam kórermen bolǵan kórinedi, olar jarystyń pelotony sońynan erip júrgen. Bul eki adamnyń kóligi joldyń qaýipti ýchaskesinde aýdarylyp túsken.
«Dakar» rallıiniń baǵdary Perý, Chılı jáne Argentına sekildi úsh eldiń boıymen ótýge negizdelgen. Rallı-marafon álemge budan burynǵy «Parıj-Dakar» ataýymen tanylmal. Sońǵy alty jyl boıy ol Ońtústik Amerıkada ótkizilýde.
