«Dakar» rallı-marafony barysynda qaza tapqan jýrnalısterdiń esimi belgili boldy
ASTANA. 10 qańtar. QazAqparat - Keshe keshkisin «Dakar» rallı-marafony kezinde oryn alǵan kólik apatynda 20 jastaǵy stýdent-jýrnalıst Agýstın Mına men onyń seriktesi,
51 jastaǵy áýesqoı júrgizýshi Danıel Ambrozıo qaza tapty, dep habarlady Reseıdiń «Jańalyqtar» aqparat agenttigi.
Rallı-marafonynda jumys istep júrgen jýrnalıster kólikterimen Katamarka qalasynan San-Mıgel-de-Týkýman qalasyna bara jatqan. Andalgala departamentinde, "Kýesta-del-Klavılo" avtojolynda olardyń Ford Ranger jol talǵamaıtyn kólikteri burylysta joldan shyǵyp ketip, shyńyraýǵa qulap ketken. Kóliktiń artqy oryndyǵynda otyrǵan fotograftar 31 jastaǵy Martın Delgado men 36 jastaǵy Rodrıgo de Kesade aman qaldy. Qazirgi ýaqytta olar San-Mıgel-de-Týkýman qalasyndaǵy aýrýhanaǵa jatqyzyldy.
«Avtomobıl quzdan shamamen 100 metrge tómen quldılaǵan. Aldyńǵy oryndyqta otyrǵandar birden mert boldy», - dep málim etti "Sýper Rallı" jýrnalynyń menedjeri Fransısko Delgado men tiri qalǵan fotograf Martın Delgadonyń ákesi.
Keıbir aqparattarǵa qaraǵanda, jýrnalıstik top rallı-marafonyn uıymdastyrýshylarǵa resmı tirkelmegen.
