«Dakar-2020» rallıiniń segizinshi kezeńi ótpeıtin boldy
ER-RIıAD. QazAqparat - «Dakar-2020» rallıiniń mototsıkl jáne kvadrotsıklmen jarysý kezeńi ótpeıtin boldy. Oǵan portýgaldyq sportshy Paýlı Gonsalveshtiń ólimi sebep bolyp otyr, dep habarlaıdy QazAqparat rallı-reıdtiń resmı saıtyna silteme jasap.
«Uıymdastyrýshylar dúısenbi kúni Vadı-el-Davasırqalasynyń aınalasynda ótýi tıis mototsıkl jáne kvadrotsıklmen jarystyń segizinshi kezeńin ótkizbeıtin boldy. Bul sheshim marqumnyń rýhyna taǵzym etý úshin qabyldanyp otyr» delingen resmı saıttaǵy habarlamada.
Eske sala keteıik, qaıǵyly oqıǵa «Dakar-2020» jetinshi kezeńi jolynyń 276-shy shaqyrymynda bolǵan. 40 jastaǵy Gonsalvesh mototsıklden qulap qaldy. Oǵan kómek kórsetý úshin medıtsınalyq tikushaq shaqyryldy. Portýgaldyq sportshy es-tússiz kúıde aýrýhanaǵa jetkizilgenimen, ony aman alyp qalý múmkin bolmady.
