«Dakar-2016» rallıinde úsh kúnniń ishinde ekinshi adam qazaǵa ushyrady
ASTANA. QazAqparat - «Dakar-2016» rallı-marafonynda kisi ólimine ákep soqqan ekinshi oqıǵa oryn aldy. Bul týraly Lenta.ru Autosport portalyna silteme jasap habarlady.
Argentınalyq Kordova qalasynda frantsýz shabandozy Lıonel Bodanyń avtomobıli tıelgen evakýator basqa bir mashınamen soqtyǵysty, sonyń saldarynan bir adam mert bolyp, taǵy beseýi ártúrli jaraqat aldy. Kómekshi tehnıka Bodanyń Mitsubishi Lancer mashınasyn Býenos-Aıreske áketip bara jatqan bolatyn, odan ári mashına kememen Eýropaǵa jetkizilýi tıis edi.
9 qańtarda «avtomobıl» klasynda óner kórsetip jatqan Lıonel Boda rallıdiń Bolıvııa aýmaǵynda ótip jatqan jetinshi kezeńi kezinde 63 jastaǵy jankúıerdi qaǵyp ketip, mert qyldy. Sóıtip, bul «Dakar-2016» rallıindegi ekinshi adam ólimi bolyp otyr.
Budan buryn 2010 jyly da jankúıer qazaǵa ushyraǵan edi. Ol kezde mashına jarys jolynan shyǵyp ketip, 28 jastaǵy áıeldi qaǵyp óltirgen bolatyn. Avtomobıl rýlinde nemis shabandozy Mırko Shýltıs bolǵan edi.
