Dakar-2015: Qazaqstandyqtar jarysqa qatysýshylarǵa arnap et asty - VIDEO
ASTANA. QazAqparat - Qazaqstandyq «Astana» komandasynyń músheleri «Dakar-2015» jarysynyń demalys kúninde saıysqa qatysýshylarǵa arnap aq dastarhan jaıyp, qazaqtyń ulttyq taǵymy - tabaq-tabaq et tartty.
Aıta keteıik, Qazaqstan «Dakare - 2015» jarysyna Astana Motorsports komandasynyń úsh jeńil, bir júk kóligin úkilep qosyp otyr. Jol talǵamaıtyn kólikter sanatynda T1 klasty eki ekıpaj óner kórsetýde. Olar MINI kóligindegi júrgizýshi Aıdyn Rahymbaev pen jolsilteýshi Anton Nıkolaev, Toyota Overdrive kóliginiń tizginshisi Baýyrjan Isabaev pen jolsilteýshi Vladımır Demıanenko.
T2 klasynda júrgizýshi Denıs Berezovskıı men jolsilteýshi Ignat Falkov Nissan Patrol avtokóliginde óner kórsetedi.
Júk kóligi sanatynda (T4) «Dakar-2012» jarysynyń qola júldegeri Artýr Ardavıchýs pen onyń jol silteýshisi Alekseı Nıkıjev jáne mehanık Danıel Kozlovskıı Tatra avtokóligimen jarysady.
