«Dakar-2014» rallı-marafony: Qazaqstandyq kólik órtenip ketti
ASTANA. 8 qańtar. QazAqparat - Argentınada ótip jatqan «Dakar-2014» rallı-marafonyna qatysyp jatqan qazaqstandyq kólik jarystyń ekinshi kezeńinde órtenip, túgi qalmaı janyp ketti, dep habarlaıdy sport.gov.kz.
Jarystyń ekinshi kúni sportshylar 789 shaqyrymdyq básekege shyqqan. Baýyrjan Isabaev pen Ǵabdolla Áshimov basqarǵan Proto Overdrive jol talǵamaıtyn kólikten orta jolda órt shyqty. Nátıjesinde kólik túgeldeı otqa orandy, al júrgizýshileri din aman.
Eske sala keteıik, "Dakar-2014″ jarysyna Qazaqstannan barlyǵy 4 ekıpaj qatysty. Ekinshi kezeńniń nátıjesi boıynsha, Aıdyn Rahymbaev pen Vladımır Demıanenko basqarǵan kólik márege 31-bolyp jetse, Denıs Berezovskıı men Ignat Falkovtyń kóligi 66-shy bolyp keldi. Al júk kólikter synaǵynda Artýr Adavıchýs, Alekeseı Nıkıjev pen Radım Kalanekalardan quralǵan ekıpaj márege 26-shy bolyp jetti.
