Dakar-2013: «Astana» eki ekıpajynan aıyryldy
ASTANA. 11 aqpan. QazAqparat - Búgin Chılıdiń Arıka - Kalama qalalary arasynda ótken «Dakar-2013» rallı-marafonynyń altynshy kezeńi aıaqtaldy,
dep habarlaıdy Vesti.kz qazaqstandyq komandanyń baspasóz qyzmetine silteme jasap.
Alaıda, 767 shaqyrymdyq bul kezeńde 406 nómirli qazaqstandyq komandanyń ekıpajy márege kelgen joq.
Andreı Cherednıkov pen vengr Horn Albert mingen Gforce jol talǵamaıtyn kóliginde rallıdiń birinshi kezeńderinde-aq tehnıkalyq aqaýlar baıqalǵan bolatyn. Soǵan qaramastan, «Astana» pılottary birneshe kezeń boıy márege jetip júrdi. Biraq ekıpaj taǵy bir tehnıkalyq kemshilikterden keıin dıstantsııadan shyǵyp, Qazaqstanǵa oralý jóninde sheshim qabyldady.
Eske sala keteıik, tórtinshi kezeńde márege 100 shaqyrym qalǵan kezde Cherednıkovtiń kóliginde ajyratý pedali isten shyqqan bolatyn. Sonyń saldarynan olar toqtaýǵa májbúr boldy. Al onyń jarysty jalǵastyratyny nemese jalǵastyrmaıtyny sońǵy ýaqytqa deıin belgisiz bolyp keldi.
