«Dakar-2012» rallıiniń 8-kezeńinde «Astana» 4-orynda keldi
ASTANA. 10 qańtar. QazAqparat - «Dakar-2012» rallı-reıdinde Artýr Ardavıchýstiń basshylyǵymen qatysyp jatqan qazaqstandyq «Astana» komandasy 8-kezeńde 4-orynda keldi,
dep habarlaıdy jarystyń resmı saıty.
A. Ardavıchýs osy kezeńniń jeńimpazy Alesh Lopraıstan 13 mınýt 56 sekýndqa qalyp qoıdy. Aıta ketý kerek, jalpy esepte kósh bastap kele jatqan Jerar de Roı ekinshi bolyp márege jetti. Bul onyń «Astana» komandasynan taǵy birneshe mınýttarǵa uzap ketýine múmkindik berdi. Qazirgi ýaqytta qazaqstandyq ekıpaj kóshbasshydan 58 mınýt 40 sekýndqa qalyp, jalpy esepte 4-orynda kele jatyr.
«Dakar» rallıinde júk kólikteriniń arasynda synǵa túsip jatqan «Qazaqstan» komandasy bolsa 8-kezeńde 100-orynda keldi. Ol kóshbasshy «MINI» frantsýz komandasynyń júrgizýshisi Stefan Peteranseldi ózinen 6 saǵatqa uzatyp aldy.
Bıyl Argentınadan bastalǵan «Dakar» jarysy jalpy 14 kezeńnen turady.
