«Dakar-2012» avtokólikter jarysynda qazaqstandyq «Astana» jalpy esepte besinshi bolyp kele jatyr
ASTANA. 3 qańtar. QazAqparat - SportLive.kz saıtynyń málimetine qaraǵanda, Artýr Ardavıchýstiń basshylyǵymen bul dodaǵa qatysyp jatqan qazaqstandyq «Astana» komandasy «Dakar-2012» rallı-reıdiniń ekinshi kezeńinde altynshy bolyp keldi.
Atap aıtqanda, ekinshi kezeńde júk kólikteriniń arasynda «Iveko» kóligimen gollandııalyq Jerar de Roı birinshi keldi. Ekinshi bolyp máre syzyǵynan «KAMAZ» komandasynan reseılik Edýard Nıkolaev ótti. Al úshinshi orynda Jerar de Roıdyń komanda boıynsha áriptesi Hans Steısı tuǵyrlandy.
Jalpy esepte qazaqstandyq komanda besinshi orynda kele jatyr.
«Dakar» jalpy 14 kezeńge sozylǵan. Aıta keteıik, «Astana» komandasy bul dodada «KAMAZ» kóligimen jarysqa túsip otyr.
«Dakar-2012» jarysy bıyl Argentınadan bastaý aldy.
