«Dakar-2012» avtobáıgesiniń qola júldesi qazaqstandyq komandanyń enshisinde
ASTANA. 16 qańtar. QazAqparat - «Dakar-2012» avtobágesinde qazaqstandyq Artýr Ardavıchýs bastaǵan «Astana» komandasy qola júldege qol jetkizdi.
«Samuryq-Qazyna» qory baspasóz qyzmetiniń málimetine qaraǵanda, basty toptastyrý boıynsha júk kólikteri arasyndaǵy jarysta gollandyq Jerar de Roı jeńip shyqty. Ekinshi orynǵa alǵa ozǵan júırikten 51 mınýt 19 sekýndqa qalǵan Hans Steısı ıe boldy. Jarystyń qola júldegeri - Ardavıchýstyń ekıpajy rallıdiń barlyq kezeńderinde Roıǵa 1 saǵat 47 mınýt 45 sekýdqa utyldy.
«Dakar-2012» 1 qańtarda Býenos-Aırestiń ońtústiginen 80 shaqyrymda jerde bastaldy. Jarystyń baǵyty Argentına men Chılıdi jáne jerdegi eń qurǵaq sanalatyn - Atakama shólin basyp ótti. Marafon 15 qańtarda Perý astanasy - Lımada márege jetti. Sonymen, qazaqstandyq «Astana» toby «Dakar» rallı-reıdta 14 kezeńniń qorytyndysy boıynsha 3 oryn aldy.
