«Dakar-2012» avtobáıgesiniń 10 kezeńin «Astana» komandasynyń ekıpajy jeńispen aıaqtady

«KAMAZ» júk kóliginde bul tartysqa túsip otyrǵan qazaqstandyq «Astana» komandasy joǵary kórsetkishimen aldyńǵy qatarda kele jatyr. Tórtinshi tuǵyrdan jarysqa kirisken qazaqstandyq komanda bul dodanyń sońyna qaraı  birqatar qarsylastarynan basyp ozdy.

Jalpy esepte birinshi orynda Jerar de Roı («Iveko» kóligimen),  ekinshi orynda Hans Steısı («Iveko» kóligimen), sondaı-aq úshinshi orynda qazaqstandyq komandanyń kapıtany Artýr Ardavıchýs («KAMAZ» kóligimen) tur. Qazaqstan komandasy ekinshi orynda turǵan Hans Steısıden 5 mınýt qalys kele jatyr.

Aıta keteıik, «Dakar-2012» avtojarysy barlyǵy 14 kezeńnen turady.