«DAISh» lańkestik uıymynyń sodyrlary Eýropaǵa baǵyt alǵan
BRıÝSSELЬ. QazAqparat - Belgııa ІІM janyndaǵy Qaýipterdi taldaý úılestirý ortalyǵynda «DAISh» lańkestik uıymy sodyrlaryn Eýropa men Belgııaǵa jibergeni týraly aqparat bar. Bul týraly seısenbi belgııalyq RTBF teleradıokompanııasy habarlady.
OSAM basshysy Pol van Tıgheltanyń aıtýynsha, Eýropa men Belgııaǵa DAISh tobynyń jańa sodyrlaryn jibergeni týraly aqparat bar. Alaıda, uıym basshysy egjeı-tegjeıli aqparat bermedi», - dep atap ótedi RTBF.
Budan basqa, búgin OSAM basshysy men Belgııa federaldyq polıtsııasy terrorlyq qaýiptiń deńgeıin baǵalady jáne eldegi qaýipsizdikti qamtamasyz etý boıynsha sharalardy talqylady.
«Belgııadaǵy lańkestik qaýip deńgeıi 3-shi deńgeıde (tórt baldyq baǵalaý boıynsha) saqtalýda», - dep Pol van Tıgheltanyń sózin keltirdi RTBF.Úshinshi deńgeı «múmkin jáne yqtımal» qaýpin bildiredi.
Sonymen qatar, OSAM basshysy qaýipti joqqa shyǵarmaıtynyn qosty. RTBF sońǵy resmı derekteri boıynsha Brıýsselde lańkestik qurbandary 32 adam, zardap shekken 44 adam aýrýhanada, onyń 24-i jansaqtaý bóliminde. Jankeshti lańkester 22 naýryzda Belgııa astanasynda eki jarylys uıymdastyrdy. Taǵy bir terrakti eýropalyq ınstıtýttar ornalasqan «Maelbek» metrosy stansasynda boldy.
