DAISh Aýǵanstan mınıstrine jasalǵan shabýyldy óz moınyna aldy
ASTANA. KAZINFORM – DAISh (Qazaqstan Respýblıkasynda tyıym salynǵan uıym - red.) Talıbannyń bosqyndar isi jónindegi mınıstri Halıl Hakkanıdiń ólimine jaýapkershilikti óz moınyna aldy. Bul týraly Aamaj News aqparat agenttigi habarlady, dep jazady Report.
Bir kún buryn Associated Press agenttigi Aýǵanstannyń Talıban úkimetiniń bosqyndar isteri jónindegi mınıstri Halıl Hakkanıdiń lańkestik shabýyldan qaza tapqanyn habarlaǵan bolatyn.
Talıban úkimetiniń ókili Zabıhýlla Mýdjahıd Hakkanıdiń ólimin aýyr soqqy dep atady.
Aıta keteıik, Hakkanı qujattarǵa qol qoıý kezinde jankeshti ózin-ózi jaryp jibergeni atap ótildi. Talıban ókilimen birge taǵy 6 adam qaza tapqan.
Hakkanı «Talıban» bılikke oralǵannan beri Aýǵanstandaǵy jarylystyń qurbany bolǵan eń joǵary laýazymdy sheneýnik boldy. Ol 2021 jyldyń qyrkúıeginde Aýǵanstannyń bosqyndar isi jónindegi mınıstri bolyp taǵaıyndalǵan.