Daily Mail: AQSh-ta 9 balldan asatyn jer silkinisi bolýy múmkin

ASTANA. KAZINFORM — AQSh-tyń jaǵalaý aımaǵynda 2100 jylǵa qaraı alyp tsýnamımen birge 9 baldan asatyn jer silkinisi bolýy múmkin. Bul týraly seısmologtarǵa silteme jasap Daily Mail habarlaıdy. 

Basylymnyń habarlaýynsha, joǵary dáldiktegi sý asty kartasyn jasaý tehnologııalary arqyly júrgizilgen zertteý Kaskadty sý asty aımaǵynda geostatıkalyq belsendilik belgilerin anyqtaǵan.

Ǵalymdar munda Soltústik Amerıkanyń jaǵalaýynda Kanadadan Kalıfornııaǵa deıin sozylyp jatqan 970 shaqyrymdyq tórt úlken jaryq segmentin tapty.

Atap ótilgendeı, bul aımaqtaǵy jer asty dúmpýleri búkil jaǵalaý ınfraqurylymyn buzyp qana qoımaı, sý men atmosferany lastaýy múmkin.

Jer silkinisiniń kúshi 9 baldan joǵary bolsa, tsýnamıdiń bıiktigi shamamen 30 metrge jetýi múmkin. Mundaı stsenarııde 10 000-nan astam adam tabıǵı apattyń qurbany bolý qaýpi bar, al Oregon men Vashıngtondaǵy shyǵyn 80 mıllıard dollardan asady.

Mundaı jer silkinisi AQSh-ta 1700 jyly bolǵan. 

Ǵalymdardyń aıtýynsha, mundaı oqıǵalar 500 jylda bir ret qaıtalanady. 

Eske sala keteıik, Alıaska jaǵalaýynda 7,2 magnıtýdaly jer silkinisi tirkeldi.