Daǵystannyń dinbasy óltirildi
ASTANA. 29 tamyz. QazAqparat - Daǵystannyń dinı kóshbasshysy, sheıh Saıd Afandıǵa qastandyq jasaldy. Onyń úıine qulshylyq etetin jamaǵat retinde urlanyp kirgen lańkes jankeshti-áıel bombany iske qosqan, dep habarlady Ýtro.rý.
Aldyn ala málimetter boıynsha lańkestik aktini jankeshti áıel júzege asyrǵan. Ol aýlaǵa dindarlarmen birge kirip, sheıhtyń qasyna jaqyndaı túsip, halyq tolyp turǵanda ózin jaryp jibergen», - dedi respýblıkalyq ІІM-indegi derekkóz.
Qazirgi kezde - jankeshti, sheıh jáne bes dindar kóz jumǵany belgili boldy. Olardyń ishinde ata-anasymen birge erip kelgen 12 jasar bala bar, ol da sheıhtyń týysy. Taǵy birneshe adam jaralanǵan.
Sheıhtyń úıinde tergeý toby jumys isteýde. Sheıh Saıda Afandı (Saıd Atsaev) 1937 jyly Shirkeı aýylynda týǵan. Eń yqpaldy din basshylarynyń biri. Sheshen Respýblıkasy musylmandar dinı basqarmasynyń ókili múftı Ismaıl Berdıevtiń aıtýynsha, ol ýaqapshylarǵa qarsy bolǵany úshin qurban bolýy múmkin.
