Daǵystanda federaldyq izdeýde júrgen sodyrdyń kózi joıyldy
ASTANA. 20 sáýir. QazAqparat - Federaldyq izdeýde júrgen, jasyryn bandy tobyna qatysýshy búgin tańerteń Mahachkalada joıyldy, dep jazady Vestı.ru agenttigi.
Mahachkalada Máskeý ýaqyty boıynsha 4:30-da arnaıy júrgizilgen operatsııanyń nátıjesinde Sábıtbı Amanov degen Qazaqstannan kelgen sodyrdyń kózi joıylyp, atys bolǵan úıden onyń máıiti tabyldy. Polıtsııa qyzmetkerleriniń berilýdi suraǵan talaptaryna ol avtomattan oq jaýdyrady. Qarsy atylǵan birneshe oqtan sodyrdyń kózi joıyldy.
"Aldyn ala alynǵan málimetter boıynsha S.Amanov buǵan deıin federaldyq izdeýde júrdi. Ol birqatar lańkestik baǵyttaǵy qylmystar jasaǵan. Odan Kalashnıkov avtomaty, pıstolet jáne jarylǵysh zaty bar «shahıd belbeýi», kóptegen oq-dáriler alyndy", - delingen qalalyq Іshki ister basqarmasynyń málimetinde.
