Daǵystanda aýyl ımamyn óltirip ketti
ASTANA. Qarashanyń 2-si. QazAqparat - Daǵystannyń quqyq qorǵaý organdary respýblıkada oryn alǵan kezekti atyshýly qylmystyń mán-jaıyn tekserýde.
«Vestı» telearnasynyń habarlaýynsha, jeksenbi kúni keshke Daǵystannyń Qyzylıýrt aýdanyndaǵy Bavtoǵaı aýylynyń ımamyn óltirip ketti. Keshki namazdan keıin meshitten úıine qaıtyp kele jatqan 34 jastaǵy Tınamagomed Ramazanovty belgisiz bireýler atyp ketken. Tártip saqshylary qylmyskerlerdi izdestirýde. Oqıǵa ornynda jedel-tergeý toby jumys isteýde.
Bul Daǵystanda din qyzmetkerine jasalyp otyrǵan birinshi qastandyq emes. Jaqynda Boınaqta ımamnyń orynbasary oqqa ushqan bolatyn.
