Daǵystanda 11 sodyrdyń kózi joıyldy
ASTANA. Qyrkúıektiń 13-i. QazAqparat - Ótken táýlikte Daǵystanda 11 sodyrdyń kózi joıyldy. Bandıtter arnaıy júrgizilgen eki operatsııanyń nátıjesinde Mahachkala men Kızılıýrt aýdanynyń Komsomolskoe poselkesinde joıyldy, - dep habarlaıdy "Reseı 24″ aqparat agenttigi.
Daǵystan astanasynda sodyrlar toby respýblıkalyq ekstremızmge qarsy kúres agenttiginiń bastyǵy óltirilgennen keıin úsh saǵattan soń júrgizilgen operatsııa kezinde qorshaýǵa alyndy. Podpolkovnık Gadjıevti sol kúni tańerteń atyp óltirgen bolatyn. Sodyrlar jasyrynǵan ǵımarattan kóp qarý-jaraq pen oq-dáriler tabyldy.
Taǵy da úsh bandıt Komsomol poselkesinde óltirildi. Arnaıy operatsııa barysynda jergilikti ákimdik basshysy Hvarzat Sharıpov qaza tapty. Ol sodyrlardy aqylǵa kelýge shaqyrǵan bolatyn. Tipti oǵan kepilge alynǵan tórt jasar balany bosatýdyń da sáti tústi. Degenmen, jergilikti aýyl basshysy bandıtterge ekinshi ret kelissóz júrgizýge barǵanda, sodyrlar ony basynan atyp óltirdi.
