Daǵystan úkimeti otstavkaǵa ketti
ASTANA. QazAqparat - Daǵystan basshysy mindetin ýaqytsha atqaryp otyrǵan Vladımır Vasılev respýblıka úkimetin otstavkaǵa jiberdi, dep habarlaıdy QazAqparat MIR24 telearnasyna silteme jasap.
«Daǵystan Respýblıkasynyń úkimeti otstavkaǵa jiberilsin. Respýblıka úkimetiniń tóraǵasy mindetin ýaqytsha atqarý Karıbov Anatolıı Shamsýtdınovke júktelsin. Respýblıka úkimetine jańa úkimet jasaqtalǵanǵa deıin óz qyzmetin oryndaýdy jalǵastyrý tapsyrylsyn», - delingen jarlyqta.
Jarlyq qol qoıylǵan 5 aqpannan bastap kúshine endi.
Aǵymdaǵy jyldyń qańtar aıynda Daǵystanǵa zańnamalardyń oryndalýyn tekserý úshin Máskeýden arnaıy komıssııa kelgen bolatyn. Tekseris barysynda Mahachqalanyń meri Musa Musaev, Daǵystan astanasynyń bas sáýletshisi Magomed-Rasýl Gıtınov tutqyndaldy.
Keshe RF Tergeý komıteti Daǵystan úkimeti tóraǵasynyń mindetin ýaqytsha atqarýshy Abdýsamad Gamıdov, onyń orynbasarlary - Shamıl Isaev, Rıýdın Sýfov, respýblıkanyń burynǵy bilim mınıstri Shahabas Shahov jáne taǵy basqalar ustalǵanyn málimdedi. Olardyń barlyǵyna áleýmettik baǵdarlamalarǵa bólingen qarajatty jymqyrdy degen aıyp taǵylyp otyr.
