Daǵystan turǵyny shekaradan 380 qap nasybaıdy zańsyz alyp ótpek bolǵan

ATYRAÝ OBLYSY. QazAqparat – Atyraý oblysynda shekara arqyly zańsyz 380 qap nasybaıdy alyp ótpek bolǵan Daǵystan turǵyny ustaldy, dep habarlaıdy QazAqparat tilshisi.

«Ekonomıkalyq kontrabanda faktisi RF Astrahan oblysymen shekarada «Qurmanǵazy» shekara beketinde reseılik nómirli «KamAZ» kóligin tekserý kezinde anyqtaldy. Mashınadan iri kólemdegi temeki ónimderi – qujattary joq nasybaı tabyldy. Barlyǵy 15 tonna 580 keli bolatyn 380 qap bolǵan», - dep habarlady №2016 áskerı bóliminiń baspasóz qyzmeti.

Hattama toltyrylǵannan keıin júrgizýshi – Daǵystan turǵyny men nasybaı Qurmanǵazy aýdandyq polıtsııa bólimine jiberildi.

Avtor: A.Sokolov