Daǵystan turǵyny shegirtkelerdi tiri kúıinde jedi
ASTANA. QazAqparat - Daǵystanda shegirtkeler qara bulttaı qaptady. Osyǵan oraı óńirde tótenshe jaǵdaı rejimi jarııalandy. Al jergilikti turǵyndardyń biri bul jaǵdaıdy paıdalanyp qalýdy jón kórgen syńaıly.
Ol tiri jándikterdi ýystaı jep, túski tamaǵynyń ornyna paıdalandy.
«Shynynda da jas jańǵaqtyń dámin eske túsiredi»,-dep bólisti ózgeshe astan alǵan áseri jaıly.
Aıta keter bolsaq, Daǵystannyń soltústiginde qazirdiń ózinde 50 myń gektar jer typ-tıpyl boldy. Shegirtkeler jolynda kezdesken shóp túrlerin túk qaldyrmaı jep, respýblıkanyń ishine taralyp barady.
Fermerler aýyl sharýashylyǵy daqyldaryn óz kúshterimen qorǵap qalýǵa árekettenip jatyr. Olar kúnine birneshe ret tanaptarǵa kúshti hımıkattar sebýde, dep habarlaıdy tvzvezda.ru.
