Daǵystan turǵyny Atyraýdan suıytylǵan gazdy zańsyz shyǵarmaq bolǵan
ATYRAÝ. QazAqparat - Atyraýdan jergilikti naryqqa arnalǵan suıytylǵan gazdy Reseı Federatsııasyna alyp ótpek bolǵan, dep habarlaıdy «QazAqparat» HAA tilshisi.
«Qazaqstannyń Reseı Federatsııasymen shekarasyndaǵy «Qurmanǵazy» ótkizý beketinde 29 tonna suıytylǵan gazdy jalǵan qujatpen zańsyz alyp ótpek bolǵan Daǵystan turǵyny ustaldy. Aldyn ala aqparat boıynsha, ustalýshy gazdy Jylyoı aýdanyndaǵy kompanııalardyń birinen alǵan», - dep habarlady Atyraý oblystyq Memlekettik kirister departamenti Ekonomıkalyq tergeý qyzmetiniń baspasóz qyzmetinen.
Reseıge zańsyz alyp ótpek bolǵan gaz osy óńirde satýǵa arnalǵan. Daǵystan turǵyny ustaldy. Tergeý amaldary júrip jatyr.
