Daǵystan: Sodyrlar jasyrynǵan úıden qýaty 50 keli trotılge balama bomba tabyldy
ASTANA. 15 qańtar. QazAqparat - Daǵystannyń Hasavıýrt aýdanynda arnaıy operatsııa barysynda sodyrlar jasyrynǵan úıden qýaty 50 keli trotılge balama bomba men mına tabyldy, dep habarlady Reseıdiń «Jańalyqtar» aqparat agenttigi RF Ulttyq lańkestikke qarsy komıtetine silteme jasap.
«Sodyrlar jasyrynǵan úıden magnıt mına (qýaty 1 keli trotılge balama) men qýaty 50 keli trotılge balama qoldan jasalǵan bomba tabyldy. Federaldy qaýipsizdik qyzmetiniń mamandary ony zalalsyzdandyrýmen aınalysýda», - delingen habarlamada.
Esterińizge sala keteıik, búgin túnde Hasavıýrt aýdanynda kúdikti adamdar kózge túsip, olar Karlanıýrt aýylyndaǵy jeke úılerdiń birine jasyrynǵan edi. Qarýly qaqtyǵys barysynda quqyq qorǵaý organdarynyń 3 qyzmetkeri qaza taýyp, beseýi jaraqattandy. Al barynsha qarýly qarsylyq kórsetken 4 sodyrdyń kózi joıyldy. Qazirgi ýaqytta olardyń ekeýiniń aty-jónderi belgili.
