Daǵystan parlamentindegi depýtattar sany 72-den 90 adamǵa deıin kóbeıedi
ASTANA. Qazannyń 30-y. QazAqparat - Daǵystandyq depýtattar jergilikti parlamenttiń 38-shi sessııasynda respýblıka konstıtýtsııasy men depýtattar saılaý týraly zańdy ózgertti.
RBK agenttigi Respýblıkanyń Halyq jınalysynda naqtylaǵandaı, halyq qalaýlylary aımaqtaǵy zań shyǵarýshy organdaǵy óz ókilderiniń sanyn 72 adamnan 90 adamǵa deıin kóbeıtýdi biraýyzdan jaqtady.
Sonymen qatar vedomstvoda atalmysh ózgertýler 2011 jylǵy naýryz aıynda ótetin saılaýdan keıin qalyptasatyn jańa depýtattyq quramǵa qatysty bolatynyn da atap ótti.
Sondaı-aq depýtattar Halyq jınalysyna saılaý týraly zańǵa 30 túzetý engizdi.
