Daǵystan bıligi sheneýnikterin ulttyq kıim kıip júrýge shaqyrdy
ASTANA. 11 aqpan. QazAqparat - Prezıdent mindetin ýaqytsha atqarýshy «Er adam sherkes kıip, al áıelder ulttyq talǵamdy eskerip, sharıǵat talabyna saı kıinýi kerek», - dep esepteıdi.
Osyǵan oraı, Daǵystannyń prezıdenti mindetin ýaqytsha atqaryp júrgen Ramazan Ábdilátipov jergilikti sheneýnikterdi ulttyq kıim kıip júrýge úndedi. Bul jaıynda AN-online habar taratty.
Onyń aıtýynsha, shildeniń 26-y kúni Daǵystannyń Konstıtýtsııa kúninde memlekettik qyzmetkerler ulttyq kıim kıip shyǵýy tıis. Prezıdent bul bastamasyn Daǵystan aýdandaryn qyzmet babymen aralap júrgende kóterdi, dep jazady muslim.kz.
«Osydan birneshe jyl buryn Qap taýy halqynyń úılený toıynda kıetin kıimi Londonda birinshi orynǵa ıe bolyp, álemniń nazaryn ózine aýdarǵan bolatyn. Qyzdarymyzdy bala kezinen ulttyq kıim kııýge baýlyǵanda, búginderi arab kıimi sánge aınalmas edi. Eshkimdi májbúrleı almaımyz. Alaıda, ulttyq kıimderimizdi keńinen nasıhattaıtyn kez jetti», - dedi ol óz sózinde.
