Daǵystandaǵy sý tasqyny: 2000-nan astam úı sý astynda qaldy
ASTANA.KAZINFORM - Daǵystan Respýblıkasynda 2075 turǵyn úı, 1817 baqsha ýchaskesi jáne 173 jol ýchaskesi sý astynda qaldy, dep habarlaıdy TASS.
Daǵystanda nóser jańbyr jaýyp, aımaqtaǵy birneshe mýnıtsıpalıtetti sý basýyna sebep boldy. Saldarynan turǵyn úıler men elektr stantsııalaryn sý basyp, kólik qozǵalysy qıyndady. Bılik keıbir aýdandarda tótenshe jaǵdaı jarııalady.
Reseı Tótenshe jaǵdaılar mınıstrliginiń baspasóz qyzmetiniń habarlaýynsha, Derbent aýdanyndaǵy Gedjýh sý qoımasynda bóget jarylyp, Mamedkala, ıÝnyı Pahar, Gedjýk jáne Kala eldi mekenderiniń turǵyndary ishinara evakýatsııalandy.
4165 adam, onyń ishinde 823 bala qaýipsiz aımaqqa kóshirildi. Alty ýaqytsha ornalastyrý ortalyǵy quryldy.
aýa raıy saldarynan úsh adam qaza tapty. Sondaı-aq Kırkı aýylynda kóshkin kezinde taǵy bir áıel qaza tapty.
Mahachkalanyń Perov kóshesinde kóshkin saldarynan japsarlaı salynǵan ǵımarat kópqabatty úıge qulady. 500 adam, onyń ishinde 150 bala evakýatsııalandy. Úıdiń ózi de qulaý aldynda tur.
Buǵan deıin Aýǵanstandaǵy sý tasqyny 77 adamnyń ómirin qıǵany habarlanǵan bolatyn.