Daǵystanda týrısterdi tasymaldaǵan tikushaq apatqa ushyrap, birneshe adam qaza tapty

ASTANA. KAZINFORM — Qulaǵan tikushaq Izberbashqa baǵyt alǵan. Bul týraly Daǵystan TJM málimdedi, dep habarlaıdy TASS.

Tikushaq apatynan tórt adam qaza tapty. Daǵystan densaýlyq saqtaý mınıstri ıAroslav Glazovtyń habarlaýynsha, jaraqat alǵan úsh adamnyń jaǵdaıy aýyr. 

— KEMZ tikushaǵy Achı-sý eldi mekeniniń mańynda apatqa ushyrady. Saldarynan tórt adam qaza tapty. Bireýiniń jaǵdaıy óte aýyr, ekeýiniń jaǵdaıy aýyr, — dep habarlady derekkóz TASS agenttigine.

ıAroslav Glazovtyń aıtýynsha, tikushaq apatynda jaraqat alǵan úsh adam Izberbashtaǵy aýrýhanaǵa jetkizilgen.

Basylymnyń jazýynsha, qulaǵan tikushaq jerdegi jekemenshik úıdi qıratty, onyń ishinde adamdar bolǵan joq. Oqıǵa ornynda órt shyqty. Úıde eshkim turmaǵan. 
Daǵystan TJM naqtylaýynsha, jekemenshik bolǵan jáne jekemenshik reıs oryndaǵan. Tikushaq Kızlıardan Izberbashqa ushyp bara jatqan.

Qyrkúıekte AQSh-tyń áskerı qyzmetkerleri tikushaq apatynan qaza tapqanyn jazǵan bolatynbyz. 

Al qazan aıynda Ońtústik Qytaı teńizinde AQSh-tyń áskerı tikushaǵy men joıǵysh ushaǵy apatqa ushyrady.