Daǵystanda 300-den astam adam sýdan ýlandy
ASTANA. KAZINFORM — Daǵystannyń Magaramkent aýdanynda sońǵy úsh kúnde 302 adam, onyń ishinde 294 bala ishek ınfektsııasynyń belgilerimen medıtsınalyq kómekke júgingen. Bul týraly respýblıka Densaýlyq saqtaý mınıstrliginiń Telegram-arnasynda habarlandy.
Jergilikti Rospotrebnadzordyń habarlaýynsha, ýlaný Magaramkentten 14 shaqyrym jerde ornalasqan «Djepelskıı» bulaǵyndaǵy sýǵa baılanysty bolýy múmkin.
Dárigerler aýyldarda indetke qarsy is-sharalar júrgizip jatyr. Jaǵdaıdy osyǵan deıin Magaramkentke barǵan Daǵystan Densaýlyq saqtaý mınıstrliginiń basshysy ıAroslav Glazov baqylaýǵa alǵan.
Aýdandyq ortalyq aýrýhanaǵa ýlaný belgilerimen túsken úsh naýqas shyǵaryldy, 93 naýqas aýrýhanada qaldy. Aýrý tirkelgen eldi mekenderdiń turǵyndaryna ishý jáne tamaq daıyndaý úshin tek bótelkedegi nemese qaınatylǵan sýdy paıdalaný usynylady.
Daǵystanǵa sýdy zalalsyzdandyrý úshin úsh tonna natrıı gıpohlorıti jetkizilmek. 9 shildede Reseıdiń Tergeý komıtetiniń jergilikti departamenti aýdandyq turǵyn úı-kommýnaldyq sharýashylyq basqarmasynyń dırektory Renat Halıdovtyń ustalǵany týraly habarlady. Onyń ústinen «qaýipsizdik talaptaryna saı kelmeıtin qyzmet kórsetý» baby boıynsha qylmystyq is qozǵaldy.
Eske sala keteıik, Daǵystanda sýdan ýlanǵan 100-den astam adam aýrýhanaǵa jetkizilgeni týraly jazǵan edik.