Daǵystan astanasynda tótenshe jaǵdaı jarııalandy
ASTANA. KAZINFORM — Daǵystanda shamamen 110 myń tutynýshy jaryqsyz qaldy, dep habarlaıdy TASS.
Sý tasqyny men jaýyn-shashyn saldarynan joǵary dabyl rejımi jarııalanǵan Daǵystanda 110 myń abonent elektr jelisinen ajyratylǵan. Bul týraly oblys ákimi Sergeı Melıkov óziniń Telegram-kanalynda habarlady.
— Tótenshe qalpyna keltirý jumystary jalǵasyp jatyr. Saǵat 20:30–daǵy jaǵdaı boıynsha tabıǵı apat saldarynan elektr jaryǵynsyz qalǵan 500 000-nan astam tutynýshynyń 110 000-ǵa jýyǵy óship tur. Qazirgi ýaqytta elektr jaryǵy joq úılerdi elektrmen jabdyqtaýdyń basty máselesi — aýqymdy sý tasqyny. Bul eń aldymen Mahakala men Hasavıýrtqa áser etip otyr, — dep jazdy ol.
Melıkov oblys astanasyndaǵy úsh negizgi azyq-túlik ortalyǵyn sý basqanyn aıtty.
— Qazir sýdy sorýǵa daıyndyq júrip jatyr. Ár úıge jaryq berilgenshe jumys táýlik boıy jalǵasady, — dep atap ótti aımaq basshysy.
Daǵystanda tolassyz jaýǵan jańbyr elektr qýaty men sýdyń jappaı óship, sý basý jáne kólik qatynasynyń toqtaýyna sebep boldy. Mahachkalada tótenshe jaǵdaı jarııalanyp, búkil aımaqta joǵary daıyndyq rejımi engizildi.
Mahachkala men Derbentte sý basqan úılerden 100-den astam adam evakýatsııalandy. Tolassyz jaýǵan jańbyr men ózen deńgeıiniń kóterilýi kópirler men joldardy shaıyp, temirjol kópirleriniń opyrylýyna sebep boldy.
Aıta keteıik, AQSh prezıdenti Donald Tramp Іshki qaýipsizdik mınıstrliginiń jumysyn ishinara toqtatýǵa baılanysty tótenshe jaǵdaı jarııalady.
